Gizartea -
'Petra' ziklogenesia
Bilboko suhiltzaileek hainbat irteera egin behar izan dituzte
Haize ufada bortitzen ondorioz hainbat zuhaitz erori dira eta hiriburuko eraikin batzuen aurrealdean kalteak eragin ditu, baina garrantzia handirik gabeko arazoak izan dira.
Erredakzioa
Ziklogenesiagatik ezarritako alerta laranja bertan behera gelditu den arren, Bilboko suhiltzaileek hainbat irteera egin behar izan dituzte, baina ez da kalte larririk gertatu, suhiltzaileen zuzendariak adierazi duenez.
"Zuhaitzak erori dira eta ikastola batean, esaterako, teilaren bat askatu da, baina dena kontrolpean dago", adierazi du.
Bestalde, 11:10ean Bilboko Saralegi plazako etxebizitza baten aurrealdeko zati bat erori dela berretsi du suhiltzaileen zuzendariak, aluminiozko xaflei airea sartu zaielako.
