Gizartea -
Hilketa
Espetxera bidali dute Erandion anaia hiltzea egotzita atxilotutako gizona
Larunbat gauean, 23:00ak baino lehentxeago, liskarra izan zuten bi gizonek Bizkaiko udalerriko etxebizitza batean, eta borroka horretan, 57 urteko anaia hil zuen espetxeratu duten gizonak.
EITB MEDIA
Espetxera bidali dute larunbat gauean Erandioko (Bizkaia) etxebizitza batean izandako borroka batean anaia hiltzea egotzita atxilotutako 56 urteko gizona.
Ertzaintzaren arabera, larunbat gauean, 23:00ak baino lehentxeago, liskarra izan zuten bi gizonek Erandioko etxebizitza batean, eta borroka horretan, 57 urteko anaia hil zuen gizonak.
Gertatutakoaren berri izan bezain pronto bertaratu ziren hainbat agente, eta bertan atxilotu zuten ustezko erasotzailea.