Itxi

Gizartea

ezbeharra

Bilboko itsasadarrean hil da Barakaldoko Udaltzaingoarengandik ihesi zihoan gizon bat

i.l.k. | eitb media

Erreskatea 08:00ak aldera izan da, Bilboko Abusu auzo parean.

Barakaldoko Udaltzaingoa jarraitzen ari zen auto bateko gidaria Bilboko itsasadarrean hil da, igande goizeko lehen orduetan. Antza, agenteengandik ihesi zihoan eta uretara bota du bere burua.

Goizeko 07:00ak aldera hasi da pertsekuzioa. Izan ere, Udaltzaingoak "era susmagarrian" gidatzen ari zen gizon bat ikusi du, "mugimendu susmagarriak" egiten.

Gelditu ordez, gidariak ihesari ekin dio Bilboko Abusu auzora iritsi arte. Bertan, ibilgailutik atera eta uretara bota du bere burua, antza agenteengandik ihes egiten jarraitzeko.

Gizona uretan hil da, eta Bilboko Suhiltzaileek erreskatatu dute haren gorpua, goizeko 08:00ak aldera. Jarraigo judiziala bertaratu da tokira, gorpua altxatzeko.

Heriotzaren ondoren, ikerketa ireki dute gizonaren identitatea eta Barakaldoko agenteengandik ihes egitearen arrazoiak argitzeko.

  • Bisitatuena

      Kargatzen ikusiena
      Kargatzen ikusiena