Gizartea -
Gertakaria
Gizon bat hilik topatu dute Bilboko Casilda parkeko banku batean
Atzo gauean gertatu zen. Segurtasun Sailak jakitera eman duenez, gizonak ez zuen kriminalitate-zantzurik. Azken orduetan hirian hilda aurkitu duten bigarren pertsona da; izan ere, beste gorpu bat aurkitu dute gaur goizaldean Bilboko hondakin-zentro batean, hau ere kriminalitate-zantzurik gabe.
AGENTZIAK | EITB MEDIA
Gizon bat hilda aurkitu zuten atzo Bilboko Casilda Iturrizar parkeko banku batean, gaua igarotzen zuen lekua. Segurtasun Sailak jakitera eman duenez, gizonak ez zuen kriminalitate-zantzurik.
Herritar batek Ertzaintzari deitu zion esanez pertsona batek denbora zeramala banku batean, manta batekin estalita, mugitu gabe. Bertaratu ziren osasun-langileek baieztatu zuren haren heriotza. Gorpua autopsia egitera bidali badute ere, hasiera batean, Ertzaintzak ez du kriminalitate-zantzurik aurkitu.
Azken orduetan hirian hilda aurkitu duten bigarren pertsona da; izan ere, beste gorpu bat aurkitu dute gaur goizaldean Bilboko hondakin-zentro batean, hau ere kriminalitate-zantzurik gabe.