Gizartea -

memoria historikoa

Gerra Zibilean Jakan fusilatutako bizkaitar baten gorpuzkien desobiratzea baimendu du Aragoik

Pedro Asua herritarraren gorpuzkiak Bizkaira lekualdatuko dituztela iragarri du Galdakaoko alkateak, duela 85 urte egindako bonbardaketen artean odoltsuenak eragindako biktimen omenezko ekitaldi batean.

Iñigo Hernando Galdakaoko alkatea, ostegun honetako ekitaldian. Argazkia: @ehbildu
Iñigo Hernando Galdakaoko alkatea, ostegun honetako ekitaldian. Argazkia: @ehbildu
Iñigo Hernando Galdakaoko alkatea, ostegun honetako ekitaldian. Argazkia: @ehbildu

agentziak | eitb media

Whatsapp Facebook Twitter Telegram Email

Iñigo Hernando Galdakaoko alkateak ostegun honetan iragarri duenez, Aragoiko Gobernuak Pedro Asuaren gorpuzkien desobiratzea eta Bizkairako lekualdatzea baimendu ditu. Gerra Zibilean zehar Jakan fusilatu zuten bizkaitar herriko biztanle hori.

Iragan abenduan, Galdakaoko alkatea Jakako aragoiar udalerriko homologoarekin bildu zen, erkidego horretako erakundeek Pedro Asuaren gorpuzkien desobiratzea erraztu zezaten, hala, Bizkaian bere senideen eskura ipintzeko.

Ostegun honetan Galdakaon egindako ekitaldi batean eman du alkateak Aragoiko Gobernuak aitortutako baimenaren berri. 1937ko apirilaren eta ekainaren artean udalerri gainean egindako 28 bonbardaketen artean odoltsuena izan zenetik 85 urte bete direnean, horrek eragindako 16 biktimak gogoratu eta omendu dituzte.

Ekitaldian, Josu Larrea Asuaren ilobak Galdakoko Udalak bere senidearen gorpuzkien desobiratzea errazteko egindako lana eskertu du.

Larreak deitoratu egin du gaur arte Gerra Zibilean zehar gertatutakoa "isilarazi" izana, eta ziur dago gertakari horien gaineko "egia" ezartzeak eta senidearen gorpuzkiak berreskuratzeak "lasaitasuna eta atsedena" ekarriko dizkiotela bere familiari.

Hau zure interesekoa bada, baliteke beste gai hauek ere izatea
Euskal hiriburuak Galdakao berriak Bizkaia EAE Gizartea Eguneko albisteak Eguneko albisteak Frankismoari buruzko albisteak Memoria Historikoa Zer gertatu da Aragoin?