Gizon bat atxilotu dute Gasteizen, bikotekideari tratu txarrak emateagatik

Gasteizko Udaltzaingoak 26 urteko gizon bat atxilotu du, etxebizitza batean izandako eztabaida batean bikotekideari tratu txarrak emateagatik.

Gertakariak igande honetako goizeko bederatziak baino lehentxeago izan ziren, Arabako hiriburuko Frantzia kaleko etxebizitza batean.

Biktimak eman zion abisu Udaltzaingoari eta bikotekidearekin izandako eztabaida batean tratu txarrak jaso zituela salatu zuen emakumeak.

Polizia-patruila bat etxebizitzara joan zen, eta, emakumearekin hitz egin ondoren, atxilotu egin zuten une horretan garajean zegoen gizonezkoa.