23 urteko gizon bat atxilotu dute Bilbon, emakume bati sexu erasoa egitea egotzita

Biktima osasun zentro batean artatu behar izan dute.

EITB MEDIA

publikatuta: 2022/06/10 17:15 (UTC+2)

azken eguneratzea: 2022/06/10 21:16 (UTC+2)

Ertzaintzak 23 urteko gizon bat atxilotu du ostiral honetan Bilbon, emakume bati sexu erasoa egitea leporatuta.

Segurtasun Sailak azaldu duenez, goizaldean emakume bat Ertzaintzaren patruila batengana gerturatu da, lagun bati sexu erasoa egin diotela salatzeko.

Horren ondoren, agenteek erasoaren ustezko egilea topatu, eta atxilotu egin dute.

Biktima osasun zentro batera eraman behar izan zuten, eta gizonezkoa polizia-etxean dago, epailearenera noiz eramango zain.

Hau zure interesekoa bada, baliteke beste gai hauek ere izatea

Bilbo Indarkeria matxista Bizkaia Euskal Autonomia Erkidegoa Gizartea Indarkeria matxistaren biktimak Eguneko albisteak Albisteak Matxismoa