Gizartea -
nafarroa
Pertsona bat hil da Arraiozen (Baztan) auto batek harrapatuta
Gidariak ihes egin du eta oraindik haren bila dabiltza. Foruzaingoak herritarren laguntza eskatu du.
Iker gonzalez | eitb media
Pertsona bat hil da bart auto batek harrapatuta Baztango Arraizoz udalerrian, Nafarroan, eta Foruzaingoa gidariaren bila dabil, ihes egin baitu.
Foruzaingoak jakinarazi duenez, ezbeharra 23:45ean jazo zen N-121-B errepidean, 45. km-aren parean.
Gidariak oinezkoa harrapatu eta ondoren ihes egin zuen; hori dela eta, Foruzaingoak ikerketa abiatu du aurkitzeko.
Oraindik ezin izan dute biktima identifikatu.
Foruzaingoak ikerketa abiatu du eta herritarren laguntza eskatu du autoaren gidaria topatzeko. Hala, edozein informazio izatekotan, 948 20 29 20 telefono zenbakira deitzea eskatu du.