Gizartea -
Elikagaien segurtasuna
Aldi, Lidl eta Mercadonak izozki sortak supermerkatuetatik kendu dituzte egur zatiak aurkitu ondoren
Lidleko Gelatelli Eclipse, Mercadonako Espiral, eta Aldiko Chupy Fresh eta Chupy Cola dira produktuak. Etxean dituzten pertsonei ez kontsumitzeko eta saltokian itzultzeko gomendioa eman diete.
Agentziak | EITB Media
Aldi, Lidl eta Mercadona supermerkatu kateak izozki sortak kentzen ari dira "gorputz arrotzak" topatu ondoren; baliteke egur zatiak izatea.
Nutrizio eta Elikagaien Segurtasunerako Espainiako Agentziak (Aesan) alerta bota du, Kataluniako osasun arduradunen jakinarazpena jaso ondoren.
Aldi, Lidl eta Hacendado marketako izozki batzuetan, "gorputz arrotzak" aurkitu dituzte; ondorioz, enpresak produktuak merkatutik kentzen ari dira.
Lidleko Gelatelli 7X75 Eclipse, Hacendadoko Espiral 7X75 N/V/FR, eta Aldiko Chupy Fresh FRE/LIM MPK7 eta Chupy Cola/VLLA/FRESA MPK7 dira produktuak.
Zerrendako produktuak etxean dituzten pertsonei ez kontsumitzeko eta saltokian itzultzeko gomendioa eman die Aesanek.