Gizartea -

Aste Nagusia

Aste Nagusian "bizikidetza benetako protagonista izatea" espero du Aburtok

Bilboko alkateak jaiak "eredugarriak" izatea eskatu du. Alkateak aurreskua dantzatu du gaur, Begoñako Andre Mariaren egunean, bi urteko etenaren ostean.

Aburto, kazetarien galderei erantzuten, aurreskua dantzatu baino lehen. EITB Media
Aburto, kazetarien galderei erantzuten, aurreskua dantzatu baino lehen.
Juan Mari Aburto baila el tradicional aurresku de honor en la basílica de Begoña

1:32

Agentziak | EITB Media

Whatsapp Facebook Twitter Telegram Email

Juan Mari Aburto Bilboko alkateak espero du Aste Nagusian "bizikidetza izatea nagusi gure kaleetan eta benetako protagonista bera izatea". "Jaietako azken egunean mezua hori izatea nahiko nuke", aitortu du. 

Begoñako Andre Mariaren eguna da gaur, eta ohiturari jarraiki, Bilboko auzo horretan egin ohi den ospakizunetan izan da Aburto. Udaleko zein beste erakundeetako ordezkariak ondoan zituela, aurreskua dantzatu du alkateak. Pandemiaren eraginez, bi urtez Begoñako "amatxu"ren egun handia ospatu gabe egon da Bizkaiko hiriburua. 

Aurreskua dantzatu baino lehen egindako adierazpenetan, alkateak eskatu du Aste Nagusia "eredugarri" izatea, "zentzu guztietan", eta herritarrei "ondo pasatzeko" deia egin die "baina betiere zuhurtziaz eta erantzukizunez jokatuta". 

"Jaiak noiz helduko gaude, festa gogo asko dugu, eta erantzukizuna eta bakea nagusi izatea eskatu nahi dut, bizikidetza izan dadila jaietako protagonista", azpimarratu du. 

Hau zure interesekoa bada, baliteke beste gai hauek ere izatea
Bilboko Udala Bilboko Aste Nagusia Bilbo Bizkaia Gizartea Juan Maria Aburto Eguneko albisteak Albisteak Jaiak