Gizartea -

BILBOKO ASTE NAGUSIA

16 pertsona atxilotu dituzte Bilboko Aste Nagusiko lehenengo gauean

Hiru lesio-delitu, hamar ebasketa eta 109 lapurreta izan dira. Atxilotu horietako 12k erlazioa dute gauean zehar izandako lapurretekin. Horietako batzuk indarkeria erabilita izan dira.

EITB MEDIA

Whatsapp Facebook Twitter Telegram Email

16 pertsona atxilotu dituzte Bilboko Aste Nagusiko lehenengo gauean.

Udal iturriek aditzera eman dutenez, hiru lesio-delitu, hamar ebasketa eta 109 lapurreta izan dira, Udaltzaingoaren eta Ertzaintzaren datu bateratuen arabera.

Datua aurreko urteetan izandako delitu-kopuruaren antzekoa da, baina atxilotuen kopurua handiago da.

Atxilotu horietako 12k erlazioa dute gauean zehar izandako lapurretekin. Horietako batzuk indarkeria erabilita izan dira.

Juan Mari Aburto Bilboko alkateak "poliziaren presentzia nabarmena" azpimarratu du igande goizean, pertsona horien atxiloketa ahalbidetu duelako. Atxiloketa horiei esker, lapurtutako mugikor batzuk berreskuratu ahal izan dituzte.

Aurtengo lapurreten datuak, momentuz, 2019koekin alderatuta berdin mantentzen dira.

Hau zure interesekoa bada, baliteke beste gai hauek ere izatea
Bilboko Aste Nagusia Bilboko albisteak Gaurko albisteak Bizkaia Delituak azken ordukoa Gizartea Eguneko albisteak Albisteak