Gizartea -

Larrialdi klimatikoa

Euskal Autonomia Erkidegokoak dira ur gehien pilatu duten urtegiak Estatuan

Arabako, Bizkaiko eta Gipuzkoako urtegien % 81 beteta daude. Estatuan, berriz, ur erreserba % 36,9ra murriztu da azken asteetan, euri faltaren ondorioz.

Azpeitiko Ibai Eder urtegia. Argazkia: Josune Ugarte Epelde
Azpeitiko Ibai Eder urtegia. Argazkia: Josune Ugarte Epelde
Azpeitiko Ibai Eder urtegia. Argazkia: Josune Ugarte Epelde

AGENTZIAK | EITB MEDIA

Whatsapp Facebook Twitter Telegram Email

Arabako, Bizkaiko eta Gipuzkoako urtegien % 81 beteta daude eta, ondorioz, Euskal Autonomia Erkidegoa da ur erreserba handiena duen erkidegoa Estatuan. Azken hiru hilabeteetan Espainiako urtegiak husten ari dira eta une honetan erreserba % 36,9koa da.  

Trantsizio Ekologikorako Ministerioak gaur emandako datuen arabera, Estatuko urtegietan 20.702 hektometro kubiko (hm3) pilatu dira, duela astebete baino 589 hm3 gutxiago.

Beherakada maiatzaren 10ean hasi zen eta orduan urtegien ahalmena % 50,7koa zen. Harrezkero, galera 7.750 hm3-koa izan da, hots, % 27,3koa.

Ur-emari handiena duten arroak Euskal Autonomia Erkidegokoak (% 81) eta Kantauri ekialdekoak dira. Ebro ibaian erreserba, berriz, % 45,7koa da.

Esako urtegia bere edukieraren % 26an dago
Esako urtegia bere edukieraren % 26an dago
Esako urtegia bere edukieraren % 26an dago

0:39

 

 

 

Hau zure interesekoa bada, baliteke beste gai hauek ere izatea
Euskal Autonomia Erkidegoa Gizartea Eguneko albisteak Albisteak Ura Larrialdi klimatikoa