Gizartea -
Bilboko Aste Nagusia
Ertzaintza tren batean iratzarri zen emakume batek salatutako sexu erasoa ikertzen ari da
Emakumea "ondoezik" esnatu zen Bilbotik kanpo, eta ospitale batera joan zen, zegokion miaketa egin ziezaioten. Bertan, "sexu-eraso batekin bateragarriak diren baldintzak" antzeman zituzten, Josu Erkoreka Segurtasuneko sailburuak azaldu duenez.
Agentziak | EITB Media
Ertzaintza tren batean iratzarri zen emakume bati egindako sexu erasoaren kasu bat ikertzen ari da. Antza denez, trena Bilbotik kanpo zegoenean esnatu zen emakumea, ondoezik, eta ez zuen gogoratzen "goizaldeko zati batean gertatu zenaz", Josu Erkoreka Segurtasuneko sailburuak ostegunean (abuztuak 25) Herri Irratian egindako elkarrizketa batean azaldu duenez. Salaketa asteazkenean baieztatu zuen sailburuak.
Emakumea osasun-zentro batera joan zen, beharrezko azterketa egitera, eta bertan, "sexu-eraso batekin bateragarriak diren baldintzak" antzeman zizkioten, sailburuak kontatu duenez.
Josu Erkorekak aditzera eman duenez orain "gehiago ikertu eta ikerketa sakondu behar da, emakumeak ezin duelako lekukotasunik eman, ez baitu ezer gogoratzen".