Gizartea
BILBOKO ASTE NAGUSIA
Bi atxilotu emakumeei ukituak egiteagatik Bilboko Aste Nagusian
AGENTZIAK | EITB MEDIA
Hiriko alkatea, Juan Mari Aburto, delituen autore "nazkagarriei" zuzendu zaie, eta abisatu die polizia "haien atzetik" joango dela.
-
Bilboko jai gunea. Argazkia: EITB Media.
Bilboko Udaltzaingoek 22 pertsona atxilotu dituzte, horietako bi emakumeei ukituak egiteagatik, azken 24 orduetan Bilboko Aste Nagusian.
Gainerako atxiloketek lapurretekin, ebasketekin eta lesioekin dute harremana.
Halaber, aurreko egunetan izan ziren bi ziztada formalizatu dira. Modu horretan, guztira zazpi salaketa aurkeztu dira ziztaden harira.
Hiriko alkatea, Juan Mari Aburto, delituen autore "nazkagarriei" zuzendu zaie, eta abisatu die polizia "haien atzetik" joango dela. "Ez ditugu nahi", gaineratu du alkateak.
