Gizartea -

Aste Nagusiaren balorazioa

Herritarren gehiengoak Udaltzaingoa babesten duela erantzun die Esanek Bilboko konpartsei

Bilboko konpartsen federazioak salatu du udaltzainak Aste Nagusia hasi zenetik oldartu zirela "pertsona arrazializatuen eta manteroen" aurka eta eraso bat geldiarazten saiatu zen neska bat jipoitu zutela.

AGENTZIAK | EITB MEDIA

Whatsapp Facebook Twitter Telegram Email

Aste Nagusiaren balorazioa egiterakoan, Bilboko Konpartsek atzo adierazi zuen "argiak eta itzalak" izan direla eta alde negatiboan, besteak beste, Udaltzaingoak izandako "jarrera oldarkorra" salatu zuten.

Gaur, Esan sindikatu polizialak konpartsen adierazpena gogor kritikatu du eta azpimarratu du Udaltzaingoak bilbotarren gehiengoaren babesa daukala.

"Bilboko eta Euskal Herriko herritarren gehiengoak udaltzainak babesten ditu, jaiak bakea gozatzeko tresna direlako, hain zuzen ere", adierazi du sindikatuak ohar batean.

Bilboko udaltzainei bere babesa helarazi die eta Aste Nagusian "lan bikaina" egin dutela goraipatu du.

"Ziurrenik, horri esker ere bildu dute horrenbeste diru konpartsen txosnetan", erantsi du Esanek.

 

Hau zure interesekoa bada, baliteke beste gai hauek ere izatea
Bilboko Udala Bilboko jaiak gaur Bilbo Bizkaia Euskal Autonomia Erkidegoa Gizartea Eguneko albisteak Albisteak Jaiak