Gizartea -
nafarroa
Indar polizialen aurkako manifestazioa egin dute Altsasun, Ospa Egunari amaiera emateko
Polemika eragin zuen egun honen ospakizunak, baina ez Fiskaltzak ez Auzitegi Gorenak ezta Guardia Zibilak ere ez zuten hori debekatzeko arrazoirik ikusi.
agentziak | eitb media
Manifestazioa egin dute Altsasun larunbat honetan, 2022ko Ospa Egunaren baitan, Guardia Zibila herri horretatik joan dadila eskatzeko.
Gorabeherarik gabe igaro da eguna, "Poliziarik ez. Langileon aurkako errepresioa gelditu" lelopean, eta askotariko ekitaldiak izan dira manifestazioaren aurretik, hitzaldi bat eta bazkari bat tartean.
2022ko Ospa Eguneko lelodun pankarta atzean, bertaratutakoek, gazteak gehienak, Altsasuko erdigunetik ibilbidea egin dute, "Ez, ez, ez, errepresiorik ez" bezalako leloak oihukatuz.
Polemika eragin zuen egun honen ospakizunak; PPk, Ciudadanosek eta UPNk, terrorismoaren biktimekin batera, gaitzetsi egin zuten, gorroto delitutzat jotzeagatik eta Estatuko segurtasun indarren aurkako "umiliazioa" zirela argudiatuta. Dena dela, Nafarroako Gobernuko ordezkariaren arabera, ez Fiskaltzak ez Auzitegi Gorenak ezta Guardia Zibilak ere ez zuten hori debekatzeko arrazoirik ikusi.