Gizartea -

Araba

Zauritutako txirrindulari bat erreskatatu dute helikopteroz Okinan

Erorikoaren ondorioz, konortea galdu du momenturen batean, eta odola zerion burutik. Ertzaintzaren helikopteroz erreskatatu ostean, anbulantziaz eraman dute ospitalera.

AGENTZIAK | EITB MEDIA

Whatsapp Facebook Twitter Telegram Email

Ertzaintzaren helikopteroak txirrindulari emakumezko bat erreskatatu du larunbat honetan Okinan, mendi-bide batetik zihoala, bizikletatik erorita, zauritu ostean, Segurtasun Sailak jakitera eman duenez.

12:00ak aldera pertsona batek Sos Deiak 112 telefonora deitu du, esanez bere bikotekideak erorikoa izan duela bizikletatik, Ullibarri de los Olleros eta Okina arteko mendi-bide batean. Txirrindulariak konortea galdu du momenturen batean, eta odola zerion burutik.

Ertzaintza, suhiltzaileak eta osasun langileak mobilizatu dituzte. Ertzaintzako Mendi Erreskaterako helikopteroak emakumea erreskatatu du eta A-4133 errepideraino eraman. Han, anbulantzia batek zauritua hartu eta Gasteizko Santiago Ospitalera eraman du.

Hau zure interesekoa bada, baliteke beste gai hauek ere izatea
Ertzaintza Araba Gizartea Eguneko albisteak Albisteak Mendiko istripuak