Gizartea -
TIS
Telefono mugikorretan osasun-txartel digitala erabiltzeko proiektua martxan jarri du Osakidetzak
Gasteizko Lakuabizkarra osasun-zentroari atxikitako herritarrak izango dira proiektu piloto hau probatzen lehenak. Datozen egunetan gutun bat jasoko dute egitasmoan parte hartzera gonbidatzeko.
agentziak | eitb media
Eusko Jaurlaritzako Osasun Saila eta Osakidetza osasun-txartela formatu digitalean edukitzeko aukera aztertzen ari dira. Modu honetan, txartel digitala duen herritarrek telefono mugikorraren bidez interaktuatu ahal izango du osasun-sistemarekin –Osakidetzan zein farmazietan–.
Gasteizko Lakuabizkarra osasun-zentrora atxikitako herritarrek gutun bat jasoko dute datozen egunetan proiektu pilotuan parte hartzera gonbidatzeko. Egitasmoan parte hartu nahi duten eta ziurtagiri digitalik ez duten pertsonek Eusko Jaurlaritzako Zuzenean herritarrentzako arreta-bulegoetan edo gizarte-etxeetako edozein KZgunetan eskatu ahal izango dute.
Zerbitzu digital horrek ez du ohiko txartela ordezkatuko, baizik eta herritarren eta osasun-sistemaren arteko interakzioa hobetu, Osasun Sailak asteazken honetan jakitera eman duenez.