Gizartea -
Indarkeria matxista
Gizon bat atxilotu dute Bilbon alaba adingabeari sexu eraso jarraitua egitea egotzita
Atxiloketa goizaldean egin du Udaltzaingoak. Bikotekideak beste kontu batzuengatik jarritako salaketa bat tarteko, ikerketa zabaldu du Ertzaintzak.
EITB Media
Bilboko Udaltzaingoak 40 urte inguruko gizonezko bat atxilotu du Bilbon alaba adingabeari sexu eraso jarraitua egitea egotzita, El Correo egunkariak gaur jakinarazi duenez.
Iturrion arabera, Udaltzaingoak atxilotu du gizona, bart goizaldean Zorrotza auzoan.
Eusko Jaurlaritzako Segurtasun Sailak atxiloketa baieztatu du eta zehaztu bikotekideak beste kontu batzuengatik jarritako salaketa ikertzen ari dela Ertzaintza.
Hau zure interesekoa bada, baliteke beste gai hauek ere izatea