Gizartea -
Emakumeen aurkako indarkeria
Gizon bat atxilotu dute kalean emakume bati sexu erasoa egitea leporatuta, Errenterian
Atxiloketa 07:00ak aldera izan da. Pertsona batek 112ra deitu du erasoaz ohartaraziz, eta Ertzaintzak 'in fraganti' harrapatu du gizona.
eitb media
Ertzaintzak 35 urteko gizonezko bat atxilotu du gaur goizean Errenterian (Gipuzkoa) kalean emakume bati sexu erasoa egitea leporatuta, Eusko Jaurlaritzaren Segurtasun Sailak jakitera eman duenez.
Pertsona batek 112ra deitu du 07:00ak aldera Errenterian, kalean, gizon bat emakume bati sexu erasoa egiten ari zitzaiola ohartaraziz.
Ertzaintza bertara joan da, eta biktima eta erasotzailea aurkitu ditu. Azken hori ihes egiten saiatu da, baina Ertzaintzak atxilotzea lortu, eta atxilotuta eraman du sexu eraso delitua leporatuta.
Izapideak amaituta, epailearen esku utziko dute gizonezkoa.
