Gizartea -
Bizkaia
Amaitu dira Durangoko gaztetxe zaharraren eraikina eraisteko lanak
Lanak hamar bat astez luzatu dira, Mañaria ibaiaren ibilguaren gainean kokatutako bloke bat behera botatzeko zailtasunaren eta beste etxebizitza-eraikin baten gertutasunaren ondorioz.
Agentziak | EITB Media
Durangoko (Bizkaia) gaztetxe zaharraren eraikina eraisteko lanak amaitu dira. Hainbat urtez auzitan egon ondoren, lanak bukatu dira, eta ebazpen judizial batek eragotzi egin die eraikinaren jabeei obraren gastuak ordaintzetik libratzea.
Udalak gaur jakinarazi duenez, eraikina behera botatzeko lanak ia hamar astez luzatu dira, Mañaria ibaiaren ibilguaren gainean zegoen bloke bat behera botatzeko zailtasunagatik eta beste etxebizitza-eraikin bat gertu zegoelako.
Eraikinaren jabeek finantzatu dituzte lanak, EH Bilduk eta Herriaren Eskubidea-Podemosek zuzendutako Udalarekin hala hitzartu ondoren.
Aurreko legealdian, udal-gobernuak, EAJren eta PSE-EEren esku, hitzarmen bat sinatu zuen eraikinaren jabeekin, eraisteko gastuetatik salbuesteko.
Hala ere, Euskal Autonomia Erkidegoko Auzitegi Nagusiak erabat baliogabetu zuen akordioa, Herriaren Eskubideak aurkeztutako helegite baten ondoren.