Gizartea -

Sutea Bilbon

Bi lagun artatu dituzte kea arnasteagatik eta dozenaka etxetik aterarazi Santutxun piztutako sute bat tarteko

Garrak 23:00ak aldera piztu dira Iturriaga kaleko 2. zenbakiko 11. solairuan. Badaezpada, eraikina guztiz hustu dute. Itzaltze lanak amaituta, euren bizilekuetara itzuli ahal izan dira auzokideak.

Sutea eraikinaren 11. pisuan hasi zen. Argazkia: @ikersalgadoser1
Sutea eraikinaren 11. pisuan hasi zen.
Sutea eraikinaren 11. pisuan hasi zen. Argazkia: @ikersalgadoser1

EITB Media

Whatsapp Facebook Twitter Telegram Email

Bi pertsona artatu dituzte bart kea arnasteagatik eta dozenaka etxetik aterarazi Santutxun (Bilbo) piztutako sute bat tarteko. 

Segurtasun Sailak EITB Mediari jakinarazi dionez, garrak 23:00ak aldera piztu dira Iturriaga kaleko 2. zenbakiko 11. solairuan. 

Suhiltzaileek eraikin guztia jendez hustu, eta bi pertsona artatu behar izan dituzte kea arnasteagatik, Bilboko Udaleko iturriek El Correo egunkariari baieztatu diotenez. Suteak kalteak eragin ditu eraikinaren azken solairuetan. 

Garrak amatatuta eta eraikina aireztatuta, 43 familiak euren etxeetara itzuli ahal izan dira. 

Ez da, ordea, Bizkaiko hiriburuan izandako sute bakarra. Auzo berean, baina Sorkunde kalean, beste irteera bat egin behar izan dute suhiltzaileek, edukiontzi batean piztutako sutea amatatzeko. 

Hau zure interesekoa bada, baliteke beste gai hauek ere izatea
Bilboko Udala Bilbo Suteak Santutxu Gizartea Eguneko albisteak Albisteak