Gizartea -
Trafikoa
Emakume bat larri zauritu da GI-636 errepidean, Lezo parean, auto batek harrapatuta
Biktima Donostia Ospitalera eraman dute. Gaintxurizketa gainera doan bidea itxita egon da ia bi orduz, baina dagoeneko zabaldu dute.
EITB Media
GI-636 errepidetik zihoan auto batek emakume bat harrapatu du gaur, Lezo parean (Gipuzkoa) eta Irungo noranzkoan, Segurtasun Sailak EITB Mediari jakinarazi dionez. Larri zaurituta eraman dute Donostia Ospitalera.
Harrapaketa 08:00ak aldera jazo da, Gaintxurizketa gainaren igoeran. Ezbeharraren ondorioz, errepidea itxita egon da bi noranzkoetan. Zirkulazioa udalerri barrutik bideratu dute, eta ilarak sortu dira. Bidea 09:45ean zabaldu dute berriro.
Biktima Donostia Ospitalera eraman behar izan dute.
Hau zure interesekoa bada, baliteke beste gai hauek ere izatea