Medikuen Sindikatuak eta Nafarroako Gobernuak iragan astean adostutako aurreakordioa berretsiko dute gaur

Nafarroako Medikuen Sindikatuak bilerak deitu ditu gaurko Iruñeko, Lizarrako, Tuterako eta Ubarmingo ospitaleetan, Gobernuarekin iragan astean adostutako aurreakordioaren gaineko erabakiak hartzeko. Sendagileen lan baldintzak hobetzea eta otsailaren 1ean hasitako greba bertan behera uztea adostu zuten, hain zuzen ere, joan den astean.

32 paziente egun bakoitzeko eta 12 minutuko bisitak

Adostutako puntuen artean dago mediku bakoitzak egunean gehienez 32 paziente artatzea, eta aurrez aurreko bisitak 12 minutukoak izatea.

Bestalde, mediku guztien oinarrizko soldata hilean 400 euro igotzea erabaki zuten, eta 14 ordainsari izatea.

Adostasunik ez esklusibotasunaren inguruan

Esklusibotasunari dagokionez, ostera, ez zuten akordiorik erdietsi.