Gizartea -
TRAFIKOA
Irekita daude errepide sareko mendate guztiak
Ez da beharrezkoa katerik erabiltzea, baina kontuz ibiltzeko eskatu dute Arabako hamaika mendatetan eta Etzegarateko bietan.
EITB MEDIA
Errepide sarea zabalik dago, elurrak goizean eragin dituen arazoak konpondu ondoren. Ez da katerik erabili behar, baina Trafiko Zuzendaritzak hamahiru mendatetan arretaz gidatzeko eskatu du.
Edozein ibilgailuk arretaz gidatu behar du Arabako hamaika mendatetan (Altube, Azazeta, Barrerilla, Bernedo, Gasteiz, Gatzaga, Herrera, Kurtzeta, Opakua, Urduña eta Zaldiaran) eta Etzegarateko bietan (Gipuzkoa), bi norabideetan.
Gauean botatako elurraren ondorioz, Herrera eta Bernedo mendateak, Araban, eta Aralarko San Migel, Nafarroan, itxi behar izan dituzte osteguneko lehen orduetan, baina eguerdirako zabalik daude berriro.