Guardia Zibilak burutu du operazioa Bilbon, Barakaldon eta Fruizen. Espainiako Gobernuak EAEn duen ordezkaritzak esan duenez, biktima guztiak "muturreko zaurgarritasun egoeran" zeuden.
Zazpi pertsona atxilotu eta 13 biktima askatu dituzte Bizkaian, sexu-esplotaziorako sare bat deseginda. Barakaldon, Bilbon (Zorrotza auzoan) eta Fruizen egin ditu atxiloketak Guardia Zibilak.
Espainiako Gobernuak EAEn duen ordezkaritzak ohar batean jakinarazi duenez, emakumeak euren borondatearen kontra atzeman eta sexualki esplotatzen zituzten. Biktima guztiak "muturreko zaurgarritasun egoeran" zeudela jakinarazi du aipatutako iturriak.
Atxilotutakoen artean, gizonezko proxenetak eta biktimak "zelatatzeaz eta kontrolatzeaz" arduratzen ziren emakumezkoak daude.
"Alipar" goiburupean egiten ari diren operazioa zabalik dago oraindik. Bilboko 6 zenbakiko Instrukzio Epaitegia ari da ikerketa zuzentzen.