Castelloko suteak hobera egin du eta erretako eremua ez da handitu

Bart gauean Castelloko sutearen bilakaera positiboa izan da eta erretako eremua ez da handitu, ez hektarea kopuruari, ezta perimetroari dagokionez ere. Egunsentiarekin batera airetik hasi dira sua itzali nahian.

Valentziako Generalitatearen arabera, 500 pertsona eta 50 kamioi inguru ari dira suaren aurka. Orain arte, 3.800 hektarea erre dira eta kaltetutako perimetroa 40 kilometro koadrokoa da. Gainera, 1.500 pertsona etxetik atera behar izan dituzte.

Gauean ingurua berrikusten eta freskatzen aritu dira, batez ere, bi gune kritikoenetan. Horietako bat Arenoseko urtegian dago, eta, bestea, berriz, Montan udalerriaren parean, Maigmonako amildegian.

Pedro Sanchez Espainiako Gobernuko presidenteak Castelloko aginte postua bisitatuko du, Ximo Puig Valentziako erkidegoko presidentearekin eta Pilar Bernabe Gobernuaren ordezkariarekin batera.