Gizartea -
BIZKAIA
Gizon bat atxilotu dute Barakaldon, gidabaimenik gabe eta alkoholaren eraginpean gidatzeagatik
29 urteko gizonak baimendutako alkohol tasa laukoiztu du, eta lehendik gidabaimena kendua zioten.
AGENTZIAK | EITB MEDIA
Barakaldoko Udaltzaingoak 29 urteko gizon bat atxilotu du goizaldean, gidabaimenik gabe eta alkoholaren eraginpean gidatzeagatik, Udalak gaur goizean jakinarazi duenez. Baimendutako alkohol tasa laukoiztu du, eta lehendik gidabaimena kendua zioten.
Udaltzainak gidariari jarraika hasi ziren, maniobrak ez seinaleztatzeagatik eta modu desegokian gidatzeagatik. Ondoren, ibilgailua aparkatzerakoan beste auto bat arin kolpatu zuen.
Egindako alkoholemia proban, botatako aire litroko 0,96 miligramoko tasa eman zuen, 0,25 miligramokoa da onartutako muga, eta atxilotu egin zuten.
Hau zure interesekoa bada, baliteke beste gai hauek ere izatea