Gizartea -
Araba
Altubeko ordainlekua berriro ireki dute, kamioi batek su hartu ostean
Kamioi batek su hartu du arratsaldeko lehen orduan, eta zirkulazioa Subillatik bideratu dute hainbat orduz.
EITB Media
Altubeko ordainlekua, AP-68an, Gasteizerako noranzkoan, berriro ireki dute kamioi artikulatu batek ustekabean su hartu ostean. Ondorioz, trafikoa Subillara desbideratu behar izan dute, suak hainbat kabina harrapatu ondoren.
Ezbeharra 16:30ean jazo da, Altubeko ordainlekuan, Zuia udalerrian (Araba). Kamioi artikulatu bat erretzen hasi da eta garrak ordainlekuko kabina batzuetara zabaldu dira; beraz, bidea itxi eta Subillako irteeraraino desbideratu behar izan dute trafikoa.
Istripuaren ondorioz, auto ilarak sortu dira inguruan. Azkenik, 18:30 pasata, ordainlekua berriro ireki dute Gasteizerako noranzkoan.
Suteak gutxienez ordainlekuko kabina bat eta ibilgailu artikulatuaren egituraren zati bat erre ditu.