Amaitu dira auto ilarak A-8an, Barakaldon bi ibilgailuk istripua izan ondoren

Bi ibilgailuren arteko istripua izan da gaur goizean A-8 autobidean, Barakaldon, eta horrek auto ilara luzeak eragin ditu gaur goizean Kantabriarako noranzkoan, Eusko Jaurlaritzako Segurtasun Sailak jakinarazi duenez.

Ezbeharraren ondorioz, lau erreietako hiru itxi dituzte eta ilara luzeak sortu dira.

08:00etan, hiru kilometro inguruko auto ilarak zeuden A-8an, Basurturainokoak, eta Arrontegiko zubiko zirkulazioan ere izan du eragina.

Istripuan nahasitako ibilgailuak erretiratu ondoren, 08:30erako, zirkulazioa bere onera etorri da.