Sindikatuak eta ertzainen talde ezberdinak elkarlanean arituko dira, lan akordio baten alde

Ertzaintzako sindikatuek, ELAk eta ertzain-taldeek lan akordio berria lortzeko elkarlanean aritzea adostu dute. Ohar bateratu batean, "oso positibotzat" jo dute hartutako erabakia.

Bertan, "Segurtasun Sailak ezartzen duen inposizioaren aurka Ertzaintzaren kolektiboaren onurarako beharrezko akordioak lortzeko lan egitea" adostu dute.

ELAk adierazi duenez, topaketak bakoitzaren "proposamenak eta hausnarketak lehen eskutik ezagutzeko" balio izan du, eta "batasun" sindikala balioetsi da.