Gizartea -
GERTAKARIA
Getariako portua itxita egon da ia ordubetez, izotz lantegi batean izan den amoniako isuriagatik
Gas toxikoaren ihesa 11:45 inguruan gertatu da. Lantegiko beharginak berahala ohartu dira, eta isuriak ez du aparteko kalterik eragin.
EITB MEDIA
Getariako portua oinezkoentzat eta ibilgailuentzat itxita egon da gaur goizean ia ordubetez, bertan dagoen izotz fabrika batean izan den amoniako isuriagatik.
Antza, 11:45 inguruan izan da gas ihesa, eta bertako langileak berehala ohartu dira. Egoera azkar bideratzea lortu dute, eta ez da aparteko kalte materialik izan. Inork ez du minik hartu.
Ertzaintzak jakitera eman duenez, egoera kontrolpean dago eta portua, jada, zabalik dago.