Gizartea -
Erasoa
Lau labankada jasota ospitalera eraman dute gizon bat Arrasaten
Goizaldeko 03:00etan izan da erasoa, Arrasateko alde zaharreko taberna batean. Ertzaintza gertatutakoa ikertzen ari da erasotzaileak identifikatzeko. Zauri arinak ditu biktimak.
EITB Media
Gizonezko bat ospitalera eraman dute goizaldean Arrasaten, taberna batean lau labankada jasota.
Segurtasun Sailak baieztatu duenez, 03:00ak aldera gertatu da erasoa, alde zaharreko taberna batean. Antza, ezezagunek labanaz zauritu dute biktima. Udaltzainak eta Ertzaintza berehala bertaratu dira eta osasun zerbitzuek ospitalera eraman behar izan dute hura. Nolanahi ere, biktimak zauri arinak ditu.
Ertzaintza gertaera ikertzen eta erasotzaileak identifikatzen saiatzen ari da.
San Joan jaietan murgilduta dago Arrasate egunotan.