Gizartea -
eraso sexista
Gizon batek emakume bati sexu-erasoa egin dio Bermeon
Erasoa goizaldean gertatu da, eta azken asteetan izan den hirugarrena da. Udalak herritarrei eskatu die herri honetako mugimendu feministak antolatutako elkarretaratzera joateko, gertaera horiek salatzeko.
AGENTZIAK | EITB MEDIA
Gizon batek emakume bati sexu-erasoa egin dio gaur goizaldean Bemeon (Bizkaia), Ertzaintzako iturriek baieztatu dutenez.
Bermeoko Udalak "gogor" gaitzetsi du Bizkaiko udalerri horretan izandako eraso sexista, azken asteetan gertatu den hirugarrena.
Udalak espresuki uko egin dio gertakariari buruzko datu gehiago publiko egiteari, eta sare sozialetan ohar bat argitaratu du horrelako gertakariak "onartezinak" direla eta udalerrian "lekurik ez" dutela adierazteko.
Era berean, Udalak herritarrei eskatu die herriko mugimendu feministak gertaera horiek salatzeko antolatu duen elkarretaratzea joateko.