Gizartea -
HOMIZIDIOA
Aske utzi dute Gasteizen bikotekide ohia hiltzea egotzita atxilotutako emakumea
Emakumeak gaur goizean deklaratu du epailearen aurrean, eta aske uztea erabaki du.
EITB MEDIA
Pasa den asteazkenean Gasteizko etxebizitza batean bikotekide ohia hiltzea egotzita atxilotu zuten 51 urteko emakumea aske uztea erabaki du gaur, ostirala, epaileak.
Emakume batek SOS Deiak-i abisua eman zion anbulantzia bat Gasteizko Sansomendi auzoko etxebizitza batera bidaltzeko eskatuz, auzokide baten etxean gizon bat lurrean botata zegoelako.
Ertzaintzaren patruila bat bertaratu zen, eta gizonak pultsua oso ahul zuela egiaztatu ondoren, Txagorritxuko ospitalera eraman zuten. Handik gutxira bertan hil zen.
Biktimaren bikotekide ohia atxilotu egin zuten gizona ustez hiltzea egotzita.