Gizartea -
GERTAKARIA
Urrian desagertutako gizonaren bilaketari ekin diote berriz ere, Jaizkibelen bere motxila aurkitu ostean
Astigarragako 56 urteko gizon bat da, eta joan den urriaren 24az geroztik dago desagertuta, bilaketa lanek porrot egin ondotik. Ertzaintzaren bilaketa-taldeak motxila aurkitu den gunean zentratuko du bilaketa, Jaizkibel inguruan.
EITB MEDIA
Ertzaintzak urrian desagertutako gizonaren bilaketari ekin dio berriz ere asteazken honetan, bere motxila Jaizkibel inguruan topatu ondotik. Joan de urriaren 24az gerotik dago desagertuta 56 urteko Astigarragako gizona.
Hain justu mendizale batek aurkitu du gaur goizean desagertuaren motxila, Segurtasun Sailak jakitera eman duenez. Hala, bilaketa lanei berrekin diete, batez ere motxila azaldu den inguruan, iturriek azaldu dutenez.
Gizona urrian desagertu zen eta bi egun aritu ziren haren bila Jaizkibel mendi inguruan, baina ez zuten topatu.