Sanferminak, munduan gehien aipatzen diren herriko jaiak

Iruñeko sanferminak munduko herriko jai guztietatik gehien aipatzen direnak dira amerikarren, europarren eta asiarren artean, Oscar Mayer enpresak eskatutako ikerketa baten arabera.

Ikerketan irakur daitekeenez, hamar estatubatuarretatik zortzik Espainiako herriko jaiak herrialdea bisitatzeko arrazoi nahikoa direla uste dute.

Amerikako herritarrei atentzio gehien deitzen diena (kasuen % 43an) jendeak bere ohiturak  bizitzeko duen era da jai hauetan.

Ohitura horiek ezagutzea hiria bisitatzeko arrazoi nahikoa da estatubatuarren % 60rentzat, aldiz, galdegindako txinatarren % 52k jai horietara ligatzeko joango zirela azaldu dute.

Ingelesen erdiarentzat jai hauetara joateko arrazoi nagusia janaria eta edaria dira.

Herriko jai guztietatik estatubatuarren, europarren eta asiarren artean gehien aipatzen direnak Iruñeko sanferminak dira.

Amerikarrak, egunean 100 euro gastatzeko prest

AEBetako herritarrak prest egongo lirateke egunean batez beste 100 euro gastatzera Espainiako herriko jaietan, txinatarrek 500 eurora iritsiko zirela diote.

Ikerketaren arabera, estatubatuarrek eta ingelesek espainiarrengan gehien goraipatzen duten ezaugarria haien sinpatia da, italiarrek eta frantsesek dibertitzeko "aurretiko jarrera" nabarmentzen dute.