Soraureneko sutearen erremate eta freskatze lanekin jarraitzen dute

Zangozako eta Cordobilla suhiltzaileak Soraureneko sutea kontrolatzen, errematatzen eta freskatzen jarraitzen dute. Sutea ostegunean hasi zen.

Foru Gobernuak ohar baten bidez aditzera emandakoaren arabera, sutea kontrolpean da ostiral goizetik, eta 19:00ak aldera alerta 1 mailara jaitsi zuten, Ingurumen Ministerioko langileek eta hegazkinek alde egin ostean.

Lehen datuen arabera, erretako eremua 14 hektareakoa da, zuhaitzak gehienbat (pinuak, haritzak, pagoak) eta esparrua era naturalean onbidera daitekeela uste dute.

Errei bat, itxita

N-121 errepideko errei bat itxi egin dute, Irunerako noranzkoan, eta Foruzaingoa zirkulazioa kudeatzen ari da.

Sustapen Departamentuko Errepideetako Zerbitzua ari da eremua zaintzen.