Gizon bat atxilotu dute droga-trafikoagatik eta 26 salaketa jarri dituzte kontsumoagatik Leitzako festa batean

Altsasuko Foruzaingoak 34 urteko gizonezko bat atxilotu zuen igandean, osasun publikoaren aurkako delitu bat egotzita, droga-trafikoagatik.

Leitzako bizilagunek Leitzalarreako aparkalekuan "rave" festa bat ospatzen ari zirela ohartarazi zuten. Handik gertu, prebentzio-kontrol bat programatu zuten Arkiskil inguruan, eta motor baten gidariak positibo eman zuen anfetaminan, metanfetaminan eta kokainan. Ibilgailua ikuskatzean, poltsa batean zeramatzan 100 estasi pilula, 3 MDMA dosi, 2 opio zati, beste 3 estasi eta speed poltsa bat konfiskatu zizkioten, baita esnifatzeko hodi metaliko bat ere. Gizona atxilotu eta Iruñera eraman zuten, eginbideekin jarraitzeko.

Gainera, agenteek 12 gidari salatu zituzten drogetan positibo emateagatik, eta beste 14 akta egin zituzten substantzia estupefazienteak edukitzeagatik.