Hiru haur eta gurasoak zauritu dira auto-istripuan, Etxarri Aranatzen

Hiru haur, euren artean bularreko haur bat, eta haien gurasoak zauritu dira furgoneta iraultzean, A-10 autobidean, Etxarri-Aranatzen (Nafarroa).

Foru Gobernutik jakitera eman duenez, bost biktimak Nafarroako Ospitalera eraman dituzte, Iruñean. Dirudienez, ubeldura asko dituzte eta euren pronostikoa ez da larria.

Istripua 17:40an izan da, A-21 autobideko 21 kilometroan, oraindik ezagutzen ez diren arrazoiengatik familia zihoan furgoneta irauli denean. Gasteizeko norabidean zihoazen.

Istripuaren lekuraino Altsasuko mediku talde bat bertaratu da, eta biktimak hartatu ditu. Suhiltzaile talde bat ere joan da, baita hiru anbulantzia ere.