Gizartea -
Eraso sexuala
Tuterako gazte bat espetxeratu dute, adin-txikiko bati sexu-erasoa egitea egotzita
Erasoa abuztuaren 27an gertatu zen, asteartean, Zaragozako Tarazona herriko jaietan.
Agentziak | EITB Media
Epaileak espetxera bidali du Tuterako 19 urteko gazte bat, 15 urteko adin txikiko bati sexu-erasoa egitea egotzita.
Erasoa Tarazona herrian (Zaragoza) gertatu zen joan zen asteartean, abuztuaren 27an. Salaketa ikertzeaz arduratu diren Guardia Zibileko agenteek erasoaren leku zehatza aurkitu zuten eta delituaren ebidentziak jaso zituzten.
Susmagarria identifikatu eta aurkitzeko izapideen ondoren, hurrengo egunean atxilotu zuten Tuterako gaztea Tarazonako etxebizitza batean.
Ostegun honetan hartu dio deklarazioa epaileak eta espetxera bidaltzea erabaki du.