14 urteko neskato bat bortxatu ei dute Elgoibarren

Neskato adingabe bat ustez bortxatu egin zuten larunbat gauean Elgoibarren (Gipuzkoa), Herrizaingo Sailetik eitb.com-i baieztatu diotenez. Dena dela, ez dute informazio gehiago zehaztu nahi izan.

Hainbat hedabideren arabera, biktima 14-15 urtekoa da. Larunbat gauean, mutil adingabe batekin egon zen, eta ondoren lagunengana joan eta bortxatu egin zutela esan zien.

Neskatoa osasun zentro batean artatu behar izan zuten, eta atzo salaketa aurkeztu zuen, betiere hedabideon esanetan.

Bortxaketaren albisteak atsekabea ekarri du herrira. Hainbat kaletan, gertatutakoa salatzeko kartelak jarri dituzte, eta berria asko hedatu da sare sozialetan.

Elgoibarko Emakumeen Asanbladak elkarretaratzea deitu du gaurko, 20:00etarako, Kalegoien plazan.