Gizartea -
Gertakaria
Onik aurkitu dute Ataun inguruan desagertutako gaztea
21 urteko gizona bizikletan ibiltzera joan zen eta, gauean itzultzen ez zela ikusita, familiak abisua eman zion Ertzaintzari. Bilaketa-lanak bart hasi ziren, eta gaur goizean aurkitu dute.
Erredakzioa
Onik aurkitu dute atzo Ataun (Gipuzkoa) inguruan, bizikletan ibiltzera joan ostean, desagertu zen 21 urteko gizonezkoa, ETBk jakitera eman duenez.
Familiak salaketa jarri zuen atzo, gauean etxera itzultzen ez zela ikusita, eta larrialdi zerbitzuetako kideek eta boluntarioek bilaketa-lanei ekin zieten. Gaur goizean berriro hasi dira bilaketa-lanak.
21 urteko gaztea arratsaldean irten zen mendiko bizikletan ibiltzera eta gaueko hamarretarako oraindik ez zen etxera itzuli.
Ertzaintza, larrialdi zerbitzuak, DYA eta boluntarioak goizaldeko bostak arte aritu dira Ataun eta Lazkao (Gipuzkoa) inguruan, Lizarrusti mendatetik abiatuta, bilaketa-lanetan.
Gaur goizean berriro hasi dira bila eta onik aurkitu dute gaztea.
