Gizartea -
Hilketa Donostian
Hirugarren gaztea kartzelaratu dute, Donostiako emakumea hiltzeagatik
Arma zuri batekin eginiko erasoa joan den ostiralean argitu zen, Donostian bi gazte atxilotu zituztenean. Lehenengoa, 16 urtekoa, biktima zaintzen zuen mirabearen semea zen.
Erredakzioa
Joan den urriaren 10ean 93 urteko emakume bat hiltzea leporatu dioten hirugarren gazte bat kartzelaratu dute astelehen honetan, epailearen aurretik igaro ondoren.
Hirugarren gaztea igande goizaldean atxilotu zuen Ertzaintzak, Gipuzkoako hiriburuko San Martin kalean gertatutako hilketa horregatik ireki zuen ikerketaren baitan.
Arma zuri batekin eginiko erasoa joan den ostiralean argitu zen, Donostian bi gazte atxilotu zituztenean. Lehenengoa, 16 urtekoa, biktima zaintzen zuen mirabearen semea zen, eta bigarrena 18 urteko gaztea zen.
Giltzaperatzea adingabekoen zentroan
Adingabekoa larunbatean igaro zen epailearen aurretik, eta horrek Zumarragako adingabekoen zentroan giltzapetzea erabaki zuen.
Beste bi atxilotuak, 18 urtekoak, Martuteneko kartzelara eraman dituzte, Donostiako Laugarren Instrukzio Epaitegiak hartutako erabakiaren ondorioz, adierazi du Ertzaintzak.
