Gizartea -
Kulturgunea
Montehermosok irekita jarraituko du 2013an, ordutegi luzeagoarekin
Gasteizeko alkateak esan duenez, Kulturguneak irekita jarraituko du datorren urtean ere, “aurretik bizi asko geratzen zaiolako”; era horretan EAJren salaketa gezurtatu du.
Erredakzioa
Javier Maroto Gasteizeko alkateak esan duenez, Montehermoso Kulturguneak publikora irekita dagoen ordutegia luzatuko du eta irekita jarraituko du 2013an, "bizi asko duelako aurretik".
Gasteizen izandako ekitaldian, EAJ Udaleko taldeak Montehermoso 2013ko urtarrilaren 14an itxiko dela salatu izanaren inguruko galderak egin dizkiote Marotori.
Marotok azaldu duenez, alderdi horren iragarpenaren "azkartasunak" harritu egin du, Encina Serrano Plangintza Kulturalaren sailburuari itxaron ere egin ez diolako. Dirudienez, instituzio horrek bihar kulturgunearen inguruko prentsaurreko bat emango du.
Zinegotziaren hitzetan, Montehermosok "etorkizuna du", eta "ez da itxiko, baizik eta goizez eta arratsaldez irekita egongo da", gaineratu du.
Marotoren ustez, proiektu kulturalaren atzean dagoen azpiegiturak "bizi asko du aurretik", eta hiriko mugimendu kulturalarekin interakzioa bilatzea proposatu du.
