Kontxako balea urte eta erdiz egongo da lurperatuta Gipuzkoan

Ostegunean Kontxako hondartzan hil zen balea urte eta erdiz lurpean izango dute Gipuzkoan bertan, eta ondoren eramango dute Asturiasko museora. Euriak garraioa segurtasunez egin ahal izateko eragin ditzakeen arazoak erabakiorrak izan dira erabakia hartzeko.

Hala, urte eta erdiz lurpean egon ondoren, Donostian hezurrak ikusgai jarriko ditu Udalak, eta jarraian eramango dute Luarcako (Asturias) Txibia Erraldoiaren Museora. Erakunde horrek berak eskatu du balea, eta hark ordainduko ditu garraio gastuak.Bi garabi handi

Dagokion protokoloa abiatu eta gero, Udalak bi garabi handi erabili ditu balea handik atera eta kamioi batean sartzeko. Animaliak ez du zauririk, eta Loretope parean agertu zen, asteazkenean. Animalia zere bat da, hau da, munduko bigarren bale mota handiena. Iazko abuztuaren 26an, 15 metroko bale bat hilik agertu zen Zarautzen.