Mandelak egoera kritikoan jarraitzen du hirugarren egunez

Hegoafrikako presidente ohia ekainaren 8tik dago ospitalean, biriketako gaitz batek jota.

Nelson Mandela bere familiarekin, artxiboko irudian. Argazkia: EFE.

Erredakzioa

azken eguneratzea: 2013/06/25 12:46 (UTC+2)

Nelson Mandela Hegoafrikako presidente ohiak egoera kritikoan jarraitzen du hirugarren egunez. Joan ekainaren 8an ospitaleratu zuten, biriketako gaitz batek jota. Herrialde osoa Mandelaren berrien zain dago, eta halabeharrezko bukaeraren beldur da.

Joan den igandean, presidente ohiaren egoera "larria" izatetik "kritikoa" izatera igaro zen, Jacob Zuma presidenteak jakinarazi zuenez.

Atzo ez zen aldaketarik egon. Hala, hegoafrikarrak interes handiz ari dira jarraitzen Mandelaren osasun egoeraren bilakaera.

Gero eta kazetari gutxiago dago Mandela artatzen ari diren Pretoriako ospitalearen aurrean. Bart horietako askok zuzenean informatu zuten bertatik.

Hau zure interesekoa bada, baliteke beste gai hauek ere izatea

Mandelak egoera kritikoan jarraitzen du hirugarren egunez

Esteka kopiatuta