SPDk Alemaniako gobernuan izango dituen 6 ministroak aurkeztu ditu

Alemaniako Alderdi Sozialdemokratak (SPD) Angela Merkelen Alderdi Liberalarekin (CDU) eta Bavariako Batasun Demokratarekin (CSU) osatuko duen "koalizio handian" izango dituen sei ministroen izenak aurkeztu ditu igandean.

CDUk eta CSUk, euren aldetik, igandean bertan ere jakinaraziko dituzte gainerako ministroen izenak. SPDren sei ministroen artean, alderdiaren liderra bera dago, Sigmar Gabriel, Ekonomia eta Energia ministerioa hartuko duena eta kantzelariordea izango dena; Frank-Walter Steinmeierrek, bere aldetik, 2005tik 2009ra arteko epean izan zuen karguan egongo da berriro, Kanpo-arazoetarako ministeritzan. Andrea Nahles Lan eta Gizarte-arazoetarako ministroa, Barbara Hendricks Ingurumen eta Azpiegitura ministroa, Manuela Schwesig Familia ministroa eta Heiko Maas Justizia eta Kontsumo ministroa izango dira zerrenda osatuko dutenak.

Nabarmentzekoa da, halaber, Aydan Zoguz Inmigraziorako, Errefuxiatuentzako eta Integraziorako Estatu idazkaria izango dela; ondorioz, jatorria turkiarra duen lehen emakumea izango da gobernuan goi-mailako kargua duena.