Mundua -
Gerra informatikoa Errusian
Eraso larria jasan du Kremlinaren web orriak
Otsailaren 1ean onartutako “Lugovói legeari” esker oposizioko hainbat webgune blokeatu ditu Errusiako gobernuak.
Erredakzioa
Denboraldi batez itxita egotea eragin dion erasoa izan du Kremlinaren web orriak. 'Hacker'-ek Banku Zentralaren weba ere erasotu dute eta segurtasun zerbitzuek bere lana indartu behar izan dute erasoak ez direlako gelditu.
Kremlinak ez dio inori egotzi erasoa eta ez du argitu Ukrainiako politikarekin zerikusia duen.
Errusiako aginpideak oposizioaren web orrialdeak blokeatu ditu
Informazioaren Teknologia eta Komunikabideen Kontrolerako Agentziak argitu duenez, 'ekintza ilegalak' egiteagatik.Parlamentutik kanpoko oposizioaren hainbat web orrialde itxi ditu Errusiako aginpideak. 'Ekintza ilegalak burutzeko deia egiten dute honelako webguneek', gaineratu du.
Blokeatu dituzten web orrialdeen artean Alexei Navalni oposizioko kidearen bloga aurkitzen da. Etxean atxilotuta dago Navalni eta ezin du telefonoa erabili, ezta internet ere.
Azkeneko egunetan Errusian bizi duten beste eskandalu batekin bat egin du blokeoak. Izan ere, Lenta.ru webak Galina Timchenko erredaktore burua kaleratu zuen Ukraniako Dimitri Yarosh ekintzaile radikalaren kide bat elkarrizketatzeagatik. 39 kazetarik bere babesa erakutsi diote Timchenkori eta bere lan utzi dute.
Otsailaren 1ean Errusiak 'Lugovoi legea' abian jarri zuen. Erabaki judizial baten beharrik gabe web orrialdeak blokeatzea baimentzen du Errusiako gobernua lege honek.
