Itxi

Mundua

Adierazpenak

Marine Le Penek bere programa "eskuin-muturrekoa" izatea ukatu du

Erredakzioa

Fronte Nazionaleko buruak Europar Batasuna eta Sobiet Batasuna alderatu ditu, eta Europako legeek demokrazia mugatzen dutela adierazi du.

  • Marine Le Pen Fronte Nazionaleko burua. Argazkia: EFE

    Marine Le Pen Fronte Nazionaleko burua. Argazkia: EFE

Marine Le Pen, Fronte Nazionaleko burua eta europar euroeszeptismoaren irudia, Europar Batasuna Sobiet Batasunarekin konparatu du, Bruselako erakundeak herritarren subiranotasunaren jabe egin direlakoan, EFE agentziaren elkarrizketa batean adierazi duenez.

"Ez dugu subiranotasun legegilerik. Berdin dio herriak esaten duena, Europako legeak beti haren lekuan jarriko baitira. Hau ez da demokrazia. Niretzat Europar Batasuna Sobiet Batasuna bezalakoa da", adierazi du Le Penek. Bruselaren zorroztasun neurriak ere kritikatu ditu, bere ustez, europarrak "esklabo" bilakatu baititu.

Le Pen Europar Batasunean pertsonen joan-etorri askea mugatzearen alde agertu da, eta bere programan "eskuin-muturreko" ezer ez dagoela esan du.

"Mugimendu patriotiko baten parte naiz. Nazio askea, zentzuzkoa eta neurrikoa nahi dugu, subiranotasuna herrialdearen esku uzten duena eta identitate frantsesa babesten duena. Ez dut uste bertan muturreko ezer dagoenik", adierazi du.

  • Bisitatuena

      Kargatzen ikusiena
      Kargatzen ikusiena